فيه حملة هنعملها لنصرة ونشر القرآن الكريم
الإساءات حاليا بقت مش بس للرسول الكريم صلى الله عليه وسلم
لكن امتدت كمان للقرآن الكريم بأفلام لا يقال عنها إلا انها وضيعة
عشان كده هنعمل حملة ضد الإساءات دى
ياريت يا جماعه كلنا نشارك فى الحمله من خلال جروبها على الياهو ولو مش هتشارك وصل الحمله لغيرك
خلونا ولو لمره نكسر قيود النفس ونرفع شعار التغير
من خلال جروب الحمله
او من خلال ميل الحمله على الياهو
أما بالنسبة للخطة الزمنية المبدأية للحمله
أولا مرحلة الإعداد
ودى مقسومة جزأين
أول جزء يبدأ من 5/10 إلى 5/14 وهى دعوة لغيرنا للاشتراك
تانى جزء يبدأ من يوم 5/15 ألى يوم 7/31 وهى المرحلة الاهم
ودى هيبقى فيها جزئين إعداد لنا احنا بأننا نحفظ قرآن بخطة زمنية
ونعمل به ونتعلم تجويد واننا نشجع بعض ونزود من حماس بعض
تجميع الداتا
نجمع الداتا اللازمة لبداية الحملة ، الحملة كفكرة حملة إلكترونية يعنى شغلها
هيبقى معتمد على النشر عن طريق النت
هنبقى محتاجين نجمع برامج الكترونية لتفسير القرآن ، برامج المصاحف الرقمية ، المصاحف المترجمة ، نبحث فى موضوعات الإعجاز فى القرآن ، كيفية الاستفادة من القرآن ، ونجمع كمان داتابيز عن المنتديات الأكثر شعبية على مستوى الوطن العربى ومنتديات حوار الديانات وكمان المدونات
طبعا الجزئين دول متوازيين مع بعض وكمان مستمرين فى دعوة غيرنا للاشتراك
ثانيا مرحلة انطلاق الحملة
وتبدأ 8/1 هتبقى زى مقلت فى الأول على مستوى المنتديات العربية ومنتديات حوار الديانات وكمان جزء التراجم للخروج خارج النطاق العربى وطبعا كل حاجة من دى ليها أسلوبها وطريقة العرض فيها والتعامل معاها وده هنبقى نتفق عليه مع بعض
ثانيا مرحلة انطلاق الحملة
وتبدأ 8/1 هتبقى زى مقلت فى الأول على مستوى المنتديات العربية ومنتديات حوار الديانات وكمان جزء التراجم للخروج خارج النطاق العربى وطبعا كل حاجة من دى ليها أسلوبها وطريقة العرض فيها والتعامل معاها وده هنبقى نتفق عليه مع بعض
عايزين نفهم الناس ديننا صح نفهمهم ان القرآن ده أعظم معجزة ونصلح من نفسنا قبل كل ده عشان كلنا عارفين ان الله لا يغير ما بقوم حتى يغيروا ما بأنفسهم
انا عارفة الخطة لسة مش واضحة قوى بس زى مأنا قلت اننا لسة فى مرحلة الاقتراحات المبدأية
ياريت يا جماعة بجد تفيدونا بآرائكم وأفكاركم عايزين كلنا نخرج بحملة تأثر فى ناس كتير مسلمين وغير مسلمين ممكن جدا حد يتأثر بالحملة دى وربنا يهديه على ايدينا ويااااااااااااه لو حد مش مسلم اتأثر تخيلوا حجم الثواب
ياريت يا جماعة بجد تفيدونا بآرائكم وأفكاركم عايزين كلنا نخرج بحملة تأثر فى ناس كتير مسلمين وغير مسلمين ممكن جدا حد يتأثر بالحملة دى وربنا يهديه على ايدينا ويااااااااااااه لو حد مش مسلم اتأثر تخيلوا حجم الثواب
يارب ساعدنا نحقق اللى عايزينه فى الحملة واجعل عملنا خالص لوجهك واجعله فى ميزان حسناتنا
الحملة دى أهدافها
نصلح ونغير نفسنا
ننشر ديننا
نوضح للعالم عظمة القرآن الكريم
دى الأهداف الاساسيةأرجوكم يا جماعة قولوا اقتراحاتكم عشان نعمل خطة مع بعض واللى يحب يشاركنا الثواب يشترك على جروب الحملة على ياهو جروبزqoran_compaign
